السلام عليكم
كيفكم ؟ ان شاء الله كويسين
وكل سنة وانتم طيبين ينعاد علينا وعليكم ان شاء الله بالصحة والعافية
صراحة نحنا من الناس الي مانعطي عيد الحج حقه ابدا مو زي عيد الفطر استغرب لما اشوف الأسواق مليانة قبل العيد بكم يوم
قولولي اذا فيه احد زينا ؟ xD
طيب نبدأ اول شي بسيفورا :
sugar licious من بنفيت من اول كانت عاجبتني وكنت با أطلبها اونلاين لكن الحمدالله لقيتها هنا
وهذا شكلها من الداخل جميلة مو *.* !؟ حسوي ريفيو عنها لو تبو
-ثاني شي هو
stay don't stray priemer اسمه ظريف xD
يعتبر بديل جيد لبرايمر اربن ديكاي
ومو بس على الجفن حتى تقدري تحطيه قبل ماتحطي كونسلير تحت العين يعني 360 درجه على قولتهم هههههه
ومن H&M ما أشتريت اشياء كثير
اشتريت خاتمين
الي على اليسار من النوع الي يتحط في بداية الأصبع اثنين هما تقدري تلبسيهم مع بعض او لوحده
واخر شي الشي الجميل ذا من يوم ماشفته صارت عيوني قلوب ههههههه
يخلي اي مناكير عندك مات اول شي تحطي اي لون تبغيه بعدين تحطيه هوا فوقه كتوب كوت وبس
في أسهل !
ومن بوتس اشتريت :
flake away
افضل مقشر جربته الي الان مو خشن مرة وبنفس الوقت مو ناعم لدرجة تحسيه ما سوا شيء وريحته قصة اخرى من جمالها
الي مستغربتله انهم غيروا التركيبة اول كانت مايله للأصفر ومتماسكة مرة دحين صارت مايله للبيج .."ان شاء الله فهمتو قصدي"
كان يعجبني الكلام الي فوق العلبه حقت القديم كان مكتوب " it might be fine if her friends are flaky but a lady's legs should never be " دحين في النسخة الجديدة صاروا حاطين زي الطابعة مكتوب عليها موقعهم طيب ياخي انا تعجبني التفاصيل الصغيرة :(
واخر شي اشتريت hair mask بجوز الهند واللوز مافي ريحة لوز فيه ابدا !
ان شاء الله يفيد لانه شعري صار جاف جدا في الفترة الأخيرة
وبكذا خلصنا التدوينة
اتمنى انكم استمتعتوا ..
و اشوفكم قريب ان شاء الله
ليست هناك تعليقات:
إرسال تعليق